Á ferð til Dreymaland

Á ferð til Dreymaland
Orð: Anker Eli Petersen • Lag: Terji Rasmussen
Dm	         Dm/C	       Dm/B	Dm/G A C
Hákunnardrongur situr við tína song
Dm	Dm/C         F	        A
og leggur tær torvmold í eygað.
G 	         C	      F	   Dm
Hann syngur eina vísu um, at náttin er so long,
G    	      A
og tú má honum lova,
Dm	G
at tú legst at sova,
C	  A
tá sleppur tú í Dreymaland,
G	   Dm         Dm/C  Dm/B   Dm/G A C
at spæla til tað lýsnar.


Dm	 Dm/C      Dm/B           Dm/G A C
So banka tit á portrini í stóru dreymaborg,
Dm	   Dm/C     F	     A
sum opnast - og tit trína innar
G               C                 F	            Dm
í vakrar urtagarðar, har einki eitur sorg,
G	   A
tit ganga eftir gøtum
Dm	        G
á blómuprýddum fløtum,
C                  A
har lítlir fuglar syngja
G             Dm         Dm/C  Dm/B   Dm/G A C
so vakurt fyri tær.

So ríða tit á mánastrálum eftir himnabrúgvum
og stjørnurnar lýsa tær á veg,
tær hanga undir hválvinum í smáum bjørtum rúgvum,
og sum klokkur tær ringja,
sum einglar tær syngja
og ynskja, at eydnan
skal fylgja tær á veg.


Tú vaskar tær í silvitni, sum mánin hin klári
í nátt letur dansa á vág,
og norðlýsið bjarta tær tváar inn í hárið,
tú tornar á strondum
í ævintýrlondum,
og stjørnudust flættar
tú í títt reina hár.

Men út ímóti morgni, hákunnardrongur
teg leiðir heim í tína song.
Nú sleppur tú ikki at spæla har longur,
tí dagur fær nátt
til at falla í fátt,
og dreymarnir hvørva,
tá ljósið er nær.